影片
更多
2023-11-22
14 浏览
🇹🇭泰Grill (将军澳)📍今次去咗将军澳嘅一间泰国餐厅食夜晚🍽️，一去到就见到有几枱客都有带狗仔坐喺餐厅出面🐶，劲得意、啲狗仔好乖咁坐喺到😽，系一间宠物友善餐厅嚟🐾。🍴肉碎生菜包 $82 8.5/10呢间铺头劲贴心❤️，手机落单嘅时候有得拣走芫荽👏🏻，仲有大辣少辣个啲🌶️，对于唔食芫荽🌿嘅人嚟讲（包括我🙈），简直系一大福音🌟。一上到嚟个肉碎分量超多，包嘅时候劲热辣辣，啲肉汁滴晒出嚟，酸酸辣辣咁，配埋新鲜嘅生菜🥬，好开胃吓。🍴手打青咖哩(牛肉) + 油饭 $88 + $15 7.5/10𠮶青咖喱用嚟送饭一流，见到入边除咗牛仲有好多其他配料，尤其系啲菜🥦，索晒啲汁😍，不过个牛稍微有啲韧，唔系太夹青咖喱🍛，反而我拎冬阴功个鸡肉去点，就夹好多，如果下次去食，会试吓拣鸡肉或者猪肉。而个油饭就粒粒分明🍚，唔会一pat嘢咁，几香黄姜、香料味🫚，但鸡油味就稍为逊色。🍴冬荫功汤金边粉(鸡肉）$62 6.8/10𠮶汤底酸酸甜甜好开胃😋，不过略嫌冇乜鲜味；而个金边粉劲挂汤，金边粉嘅面质唔会好淋。但个鸡肉有少少嚡🍗，同埋有啲唔系太夹，下次叫海鲜可能会好啲🦐。🍴串烧 (3 串) (鸡,牛,猪）$48 7/10三
今次去咗将军澳嘅一间泰国餐厅食夜晚🍽️，一去到就见到有几枱客都有带狗仔坐喺餐厅出面🐶，劲得意、啲狗仔好乖咁坐喺到😽，系一间宠物友善餐厅嚟🐾。
🍴肉碎生菜包 $82 8.5/10
呢间铺头劲贴心❤️，手机落单嘅时候有得拣走芫荽👏🏻，仲有大辣少辣个啲🌶️，对于唔食芫荽🌿嘅人嚟讲（包括我🙈），简直系一大福音🌟。
一上到嚟个肉碎分量超多，包嘅时候劲热辣辣，啲肉汁滴晒出嚟，酸酸辣辣咁，配埋新鲜嘅生菜🥬，好开胃吓。
🍴手打青咖哩(牛肉) + 油饭 $88 + $15 7.5/10
𠮶青咖喱用嚟送饭一流，见到入边除咗牛仲有好多其他配料，尤其系啲菜🥦，索晒啲汁😍，不过个牛稍微有啲韧，唔系太夹青咖喱🍛，反而我拎冬阴功个鸡肉去点，就夹好多，如果下次去食，会试吓拣鸡肉或者猪肉。
而个油饭就粒粒分明🍚，唔会一pat嘢咁，几香黄姜、香料味🫚，但鸡油味就稍为逊色。
🍴冬荫功汤金边粉(鸡肉）$62 6.8/10
𠮶汤底酸酸甜甜好开胃😋，不过略嫌冇乜鲜味；而个金边粉劲挂汤，金边粉嘅面质唔会好淋。但个鸡肉有少少嚡🍗，同埋有啲唔系太夹，下次叫海鲜可能会好啲🦐。
🍴串烧 (3 串) (鸡,牛,猪）$48 7/10
三款串烧都腌得好入味🍢，配埋佢超浓花生味嘅沙嗲酱🥜，好香口👅。而三款入面比较推荐鸡🐥，仲系好滑好juicy，唔会干同柴。
🍴泰式奶茶沙冰 $48 8/10
平时好少见到有泰奶沙冰🍧，通常一系泰奶、一系芒果沙冰，咁就梗系叫佢啦。本身有少少惊中伏，会好淡泰奶味，点知唔会✨。
同埋通常沙冰会固定甜度，但呢个劲好，可以选择甜度🍬，所以杯野唔使惊好甜，用嚟解辣一流👍🏻。
💰 翻兜指数: 7.5/10
而晚市嚟讲呢个价钱（以上系未收加一）同食物质素，简直系性价比超高❗️同埋喺啲细节位，仲有喺落单嘅时候，好多位都好用心同贴心❤️。如果𠮶日想食泰国菜🥢，而又喺将军澳附近，会再拣佢。
张贴
