Puzzle Dining (已搬遷) 新店位置

泳池旁西餐厅星期日男友去马鞍山踢波，陪左佢去，之后去左附近食野。Search见到呢间游泳池西餐厅觉得几特别，嘢食又啱，所以去咗食晚餐。餐厅出面就见到d人游水😂叫左2个主食，慢煮加拿大猪斧头扒，puzzle招牌胡椒叉烧扒伴饭，1个加钱升级要薯条同汤，小食叫左4只咸蛋黄金沙珍宝鸡翼。汤系忌廉汤，薯条都ok。慢煮加拿大猪斧头扒平时都系食牛斧头扒，第一次食猪斧头扒，好大块，味道吾错，近骨位有小小肥肉，所以再好味d，吾会似猪扒咁干争争。食猪吾食骨🤣puzzle招牌胡椒叉烧扒伴饭有成三块叉烧，呢个跟饭当然系男友食～佢话叉烧都几入味，瘦烧，啖啖肉，味道似烧猪仔骨，又有小小菜，够晒饱。4只咸蛋黄金沙珍宝鸡翼好多咸蛋黄酱，刚刚炸起加酱，热辣辣，惹味好食。