翠灣漁港

营业中

休息中

之前成日覺得柴灣係一個美食沙漠， 但原來都有清泉存在， 有一間老字號酒樓在街坊口中都頗獲好評， 就係六點頭已經開始見到人頭湧湧的翠灣漁港。餐廳裏頭非常光猛舒適， 服務員亦都非常有禮。 餐牌裏面都有不少時令優惠選擇， 看中的是一個清蒸沙巴仔加脆皮吊燒雞的孖寶套餐， 再加一個咕嚕肉和豉油王炒麵。清蒸沙巴仔沙巴仔一點也不仔， 目測都夠三至四人享用， 沙巴仔非常新鮮， 清蒸的時間也拿捏得剛好， 熟之餘魚肉質依然非常嫩滑， 配上熟油和香蔥，送飯一流。脆皮吊燒雞雖然是半隻，但因為本身雞隻都屬於大， 份量十足， 雞皮完全吃得出吊燒的功夫， 像薯片般脆口 ， 雞味非常濃郁， 好正！咕嚕肉脆口而且掛汁， 難得是豬肉炸完後裏面依然保留豐富肉汁， 而豬肉選料比較爽口部位， 精彩小菜。豉油王炒麵可以用香脆爽口去形容， 牙菜和麵條組合的口感非常爽脆， 而且鑊氣十足。酒樓附送的紅豆沙也非常精彩， 完全起曬沙。