常滿雞煲火鍋專門店 (已結業)

早幾日一行十人去完迪迪尼，玩完大家坐車出返荃灣食飯，正當大家諗食咩既時候，我地穿過巷仔，見到呢間裝修都幾新潮既常滿，就入去試下，呢間常滿平時應該雞煲係主打菜，但我地都係選擇火鍋湯底，我地選左一個叫泡菜既湯底，可能呢韓風太強勢，好多野都韓風韓風，一於一齊韓風一下啦，等左約10mins 湯底終於出場，好濃烈既泡菜味，加上好多豆腐，未加其他野食已經好吸引，其實呢個湯底真的不錯，肚餓的我，一黎已經有流菜跟豆腐，頂下肚先，泡菜味都還濃烈，不得不提呢呢既一個醬汁，服務員介紹下，知道係一個似泰國醬既自家醬汁，比我感覺呢間食店突然fusion 起黎，有港式雞煲，韓風湯底，泰國式醬汁，真係特別得非常，到食物黎啦，我地點左，好多都係服務員推介既食物，大致都不錯，不過有幾樣真係我感覺不錯，梅酒千層肉，充滿梅子酒既香味，特別在整熟左後，竟然唔會比湯底沖淡，酒香味依然濃烈，真係好特別，其次係本地手切肥牛，大碟買$218，油花分佈得相當吸引，牛肉味相當好，真的不錯不錯，下次一定會再來😊😊😊