漁匡寿司

营业中

休息中

之前洪福邨街市有瀛寿司，贪方便都会去食，但自从佢结业，洪水桥附近就只剩返渔匡一间寿司店，虽然唔近，但心瘾起时，都系要行过去。一家三口其实都食过几次，今次唔想食锅物，因太大锅喇，食唔到其他嘢，所以就分开叫，都系基本𠮶啲寿司，三文鱼腩刺身啦，大小姐就一定要食乌冬，我就叫咗个三文鱼海胆鱼生饭。落完单店员同我哋讲无三文鱼腩刺身，咁转普通啦，都无，唯有放弃。但佢话够整鱼生饭，所以都仲有得食。三文鱼略瘦，但新鲜，我将成朵花奉献咗出嚟，因为两父女都好钟意食，做阿妈嘅就系咁，最紧要个女有得食！海胆好甜，份量唔多，忍唔住要追加一板啊！近期疫情严重，两位店员好劝力做清洁，希望客人食得安心。