影片
更多
2010-01-18
113 浏览
17-1-2010去长州行吓, 行到攰朋友又嗌肚饿, 嚟到「洲际」"high tea", 真「富贵」. 大家都叫了「包」类的「下午茶餐」, 跟饮品一杯:我饮热奶茶, 卖相「奶」到唔「奶」, 饮落就只有奶味, 完全无茶味, 真「奶」嘢 朋友饮冻柠蜜, 好大杯 , 唔怪得要加 $6 咁多... 卖相色水有点「幻彩」(上「水」下「蜜」), 唔知又如何?「主食」系咖喱牛肉牛角包: 初时以为「咖喱牛肉」系港式「咖喱角」的一味辣咖喱免治牛, 呢度的原来系疑似「白咖喱汁」+ 一块块的滑牛... 咖喱汁带淡淡椰味, 咖喱味就较弱, 唔辣, 不过整体有点水汪汪的感觉;「牛肉」就似(猪)肉片多 d, 可幸无梳打粉的味道; 牛角包就胜在热辣辣, 带淡淡牛油香, 又唔会湿湿湿, 茶记嚟讲算系咁了.试了少少朋友的「英式芝士肠热狗」, 包身外够松脆, 内亦软熟, 又有够溶够香的芝士, 热狗肠亦够脆皮, 不过酱汁 (ketchup, 沙律酱及酸瓜茸 sauce) 太多, 酸呛到阿妈都唔认得 环境及招呼都十分「街坊」, 卫生叫 ok, 加上星期日下午系劲好生意, 食完快闪好了.每人放低 20 几蚊, 一试无妨.
去长州行吓, 行到攰朋友又嗌肚饿, 嚟到「洲际」"high tea", 真「富贵」.
大家都叫了「包」类的「下午茶餐」, 跟饮品一杯:
我饮热奶茶, 卖相「奶」到唔「奶」, 饮落就只有奶味, 完全无茶味, 真「奶」嘢
朋友饮冻柠蜜, 好大杯 , 唔怪得要加 $6 咁多... 卖相色水有点「幻彩」(上「水」下「蜜」), 唔知又如何?
「主食」系咖喱牛肉牛角包: 初时以为「咖喱牛肉」系港式「咖喱角」的一味辣咖喱免治牛, 呢度的原来系疑似「白咖喱汁」+ 一块块的滑牛... 咖喱汁带淡淡椰味, 咖喱味就较弱, 唔辣, 不过整体有点水汪汪的感觉;「牛肉」就似(猪)肉片多 d, 可幸无梳打粉的味道; 牛角包就胜在热辣辣, 带淡淡牛油香, 又唔会湿湿湿, 茶记嚟讲算系咁了.
试了少少朋友的「英式芝士肠热狗」, 包身外够松脆, 内亦软熟, 又有够溶够香的芝士, 热狗肠亦够脆皮, 不过酱汁 (ketchup, 沙律酱及酸瓜茸 sauce) 太多, 酸呛到阿妈都唔认得
环境及招呼都十分「街坊」, 卫生叫 ok, 加上星期日下午系劲好生意, 食完快闪好了.
每人放低 20 几蚊, 一试无妨. 好, 下一站 -- 芒果糯米兹!
张贴
