活一鮮 (已結業)

难得同同事Lunch Time出街食饭，今次同事点名要食日本菜！Lunch Hour最好Book定枱，1230就已经全场满座！🌟猪软骨汤乌冬定食猪软骨有三旧仔，切得四四方方，软骨煮得够淋又入味，肉嘅部分会相对韧少少，不过都系可以接受嘅。乌冬用上急冻乌冬，够咬口烟韧。加上昆布、粟米🌽、鱼片等配料，仲有面豉汤、沙律、跟餐寿司🍣，其实都几饱肚满足☺️。🌟三色丼//挪威三文鱼 油甘鱼 蟹膏饭呢啲都系朋友叫嘅，可惜👧🏻唔食刺身🥹。不过朋友们都称赞刺身鲜甜又厚切。🌟味淋鱼干成餐饭最吸引到👧🏻嘅竟然系味淋鱼干，本来以为系烧鸡泡鱼干啲friend，估唔到用上系炸天妇罗嘅方式炸鱼干。鱼干索尽味淋，偏甜一点，鱼干质感都几厚实同软身。再点埋蛋黄酱真系超正！🌟烧鸡软骨//烧牛脷//烧茄子整体上串烧嘅表现都算高质，鸡软骨嘅鸡肉、软骨同脂肪比例平均，唔会太油腻。至少牛脷都唔算好韧。烧茄子🍆面层洒上鲣鱼碎，充满日式风味，茄子多汁又烧得够软身，表现满意😊。