影片
更多
2021-05-20
3524 浏览
香港自开埠至今超过100年历史，有唔少古旧建筑会被活化成博物馆，有啲就会活化成餐厅。为咗庆祝我同A姐相识100个月纪念，我哋就嚟到前身为和昌大押，依家活化成西餐厅，位于湾仔嘅The Pawn叹一餐别具意义嘅Fine Dine！餐厅活化后仍保留住和昌大押嘅外观，由4幢楼高4层嘅长廊式阳台唐楼组成。坐低之后，店员除咗向我哋推介餐厅嘅美食之外，亦同我哋分享呢幢建筑物嘅小小历史，原来和昌大押建成于1888年至1900年，现址嘅土地系仲系由填海所得，我哋都非常惊讶，原来100年前香港已经有填海技术。Bread Platter嚟食西餐，第一道菜又点少得烘焙拼盘呢？呢度嘅面包自家制，有2款供应。其中一款系薄身，好似饼干咁，脆卜卜好香脆；另一款就系切件长面包，面包软熟，热辣辣，搽上牛油一齐食就系A姐最钟意嘅配搭。Beef Carpaccio用上嚟自日本嘅和牛西冷，和牛薄切，上面放有火箭菜。牛肉特意选上西冷，脂肪比例唔多，增添口感。Scampi呢个虾超好味呀！虾身预先切开，整到半熟，食嘅时候好似食炙烧嘅感觉。虾头劲多膏，好鲜甜；虾肉弹牙，半生熟，非常新鲜。Sole原条比目鱼配上香料再烤熟，所以鱼肉除咗嫩
餐厅活化后仍保留住和昌大押嘅外观，由4幢楼高4层嘅长廊式阳台唐楼组成。坐低之后，店员除咗向我哋推介餐厅嘅美食之外，亦同我哋分享呢幢建筑物嘅小小历史，原来和昌大押建成于1888年至1900年，现址嘅土地系仲系由填海所得，我哋都非常惊讶，原来100年前香港已经有填海技术。
Bread Platter
嚟食西餐，第一道菜又点少得烘焙拼盘呢？呢度嘅面包自家制，有2款供应。其中一款系薄身，好似饼干咁，脆卜卜好香脆；另一款就系切件长面包，面包软熟，热辣辣，搽上牛油一齐食就系A姐最钟意嘅配搭。
Beef Carpaccio
用上嚟自日本嘅和牛西冷，和牛薄切，上面放有火箭菜。牛肉特意选上西冷，脂肪比例唔多，增添口感。
Scampi
呢个虾超好味呀！虾身预先切开，整到半熟，食嘅时候好似食炙烧嘅感觉。虾头劲多膏，好鲜甜；虾肉弹牙，半生熟，非常新鲜。
Sole
原条比目鱼配上香料再烤熟，所以鱼肉除咗嫩滑，仲入晒味。比目鱼除咗一条大骨，基本上都系啖啖肉，所以就算怕食鱼嘅A姐都非常钟意。
Red Prawn
意粉条条都挂上西班牙红虾制成嘅酱汁，劲挂汁，好惹味呀！至于西班牙红虾份量多，预先起壳，食得够晒方便。
Carbonara
呢度嘅Carbonara除咗够creamy之外，仲多咗份油香，点解？因为厨师用咗猪嘅面珠墩炒香酱汁，令意粉食嘅时候更香浓。
Tiramisu
呢度既tiramisu系将软芝士整成cream状，质感轻盈幼滑，而入面有唔少朱古力脆粒同绵花糖，令口感更丰富又充满浓郁榛子味。
Panna Cotta
呢个奶冻非常好味，奶香细滑，最重要系加埋旁边嘅红桑子一齐食，好fresh又可以消滞，为呢个晚餐画上完美句号。
张贴
