楊記麵家 (已結業)

我平时好少在出面街食虾子面，因为细个食得太多，但当然偶然一次又无乜所谓，路过有米芝莲推介过嘅杨记面家...好！决定来一碗！虽有名牌效应支持，但价钱方面仍然系平民化，图中所见嘅虾子鹅肠捞面都系三十蚊，见到果啲多到吓亲人嘅虾子，呢个价钱绝对抵食。虾子咸香味十足，食果阵唔驶再加其他酱油再调味已经好正，夹埋葱花食绝对一流！鹅肠比例上都几多，虽然呢啲鹅肠已经将肥膏切走，但食落去感觉仍然觉得好肥大，咬落亦都非常爽口。如果唔中意食鹅肠嘅朋友，仲有鲜牛肉或者土鱿两种𩠌可以选择...跟捞面一齐黎嘅呢个大地鱼汤，第一啖入口其实觉得都几咸下，但细味之下又唔会觉得系令人人饮到好口干果种，个中原因就系因为入面加左罗汉果去煲。呢个汤愈饮愈好味，饮饮下都唔想用黎捞面，就咁清左佢就算～哈哈！杨记同中环出名嘅沾仔记虽然同为姊妹店，亦用上同一种汤底，但面身方面风格回异。呢度面质相比下好幼细，咬落去够弹牙烟韧,，而且亦无碱水味。相反沾仔记果度碱水味较重，面身亦偏硬，所以明显唔系「卖飞佛」。