奏海鮮火鍋 (已結業)

最近日日都去打边炉，依日就同同学去左尖沙嘴试新野。一上到去都几好气氛，阔落，干净，都有个大鱼缸系度养任啲海鲜。菜单有两版，单系汤底都有十几样，样式都好唔同。我地就拣左胡椒杂菌花甲鲜鸡锅，再拣左几样活海鲜同火锅料。未上火锅之前就比左调味料你先，计计埋都有九种唔同既材料比你落，都算好新鲜，又多选择，我落左好多蒜同葱花嗌左个洛神花茶，酸酸甜甜好醒神又清凉之后就上左个象拔蚌刺身，一斤六两，鲜甜爽口。之后就食打边炉啦，嗌左腐竹、墨鱼滑、虾滑、手切黄牛、菇拼盘、粟米、豆卜等等配料。墨鱼滑同虾滑打得劲黏，单系勺出黎已经感觉到唔同，大大块放入去滚，好弹牙又好有味，好抵食。黄牛鲜甜，渌得耐都冇好老既问题，粟米好好食，劲甜又爽口。鸡件腌得入味，够滑。手工豆卜同平时食既唔一样，一层层腐皮，炸得好香，推介。最中意食菇<3最后仲有果盘送，贴心。海鲜新鲜好食，食材水准以上，个汤底本身已经好甜，越滚越有味。服务好，不过真系要返啲银两先食到。