影片
更多
2019-04-19
97 浏览
鳗鱼迷今次黎到呢间SEN88，无非都系想试下佢个活海鳗会席（$488）。系日本川越食条名物烧鳗鱼，都要几乎三旧水港纸，SEN88呢个活海鳗会席，据闻系买啲鳗鱼返黎养一排先膛黎食，好似真系零舍不同！不过最紧要既系，呢个会席当中包括沙律、刺身、海鳗年糕、海鳗天妇罗、海鳗笼仔蒸饭、海鳗玉子蛋糕，咁多嘢都系488，CP值未食都觉得高！季节沙律，比较少见会放上炸鱼皮，感觉新颖，酱料几开胃，啲菜都系新鲜既，颇有诚意。开胃菜之后就系比较清淡少少既刺身3合，日本人流行从清淡既食物开始食，所以先上啲清淡既刺身俾大家热下身。甜虾刺身好大只，好鲜甜，一入口就俾啲虾胶浆住咗个口，吞咽之后仲会回甘。最钟意佢连虾头上，可以啜埋入面啲虾膏，万万不能错过！赤贝刺身由于味道比较清淡，师傅用咗青柠同柑粉用果酸黎带出佢既鲜味，所以入口𠮶阵会有阵清香果位，顷刻之后就系赤贝鲜味爆发既时刻，都真系估唔到咁淡既贝类，竟然可以俾佢调到鲜味至少放大咗几倍，真系厌食都俾佢勾到暴饮暴食。最后一款刺身系深海池鱼，师傅好有耐心咁介绍食材既种类同分别俾我地听，原来池鱼同深海池鱼系两种鱼黎，深海池鱼脂肪超多，入口即融，高级食材既好处就系鲜味同腥味
鳗鱼迷今次黎到呢间SEN88，无非都系想试下佢个活海鳗会席（$488）。系日本川越食条名物烧鳗鱼，都要几乎三旧水港纸，SEN88呢个活海鳗会席，据闻系买啲鳗鱼返黎养一排先膛黎食，好似真系零舍不同！不过最紧要既系，呢个会席当中包括沙律、刺身、海鳗年糕、海鳗天妇罗、海鳗笼仔蒸饭、海鳗玉子蛋糕，咁多嘢都系488，CP值未食都觉得高！
季节沙律，比较少见会放上炸鱼皮，感觉新颖，酱料几开胃，啲菜都系新鲜既，颇有诚意。
开胃菜之后就系比较清淡少少既刺身3合，日本人流行从清淡既食物开始食，所以先上啲清淡既刺身俾大家热下身。甜虾刺身好大只，好鲜甜，一入口就俾啲虾胶浆住咗个口，吞咽之后仲会回甘。最钟意佢连虾头上，可以啜埋入面啲虾膏，万万不能错过！赤贝刺身由于味道比较清淡，师傅用咗青柠同柑粉用果酸黎带出佢既鲜味，所以入口𠮶阵会有阵清香果位，顷刻之后就系赤贝鲜味爆发既时刻，都真系估唔到咁淡既贝类，竟然可以俾佢调到鲜味至少放大咗几倍，真系厌食都俾佢勾到暴饮暴食。最后一款刺身系深海池鱼，师傅好有耐心咁介绍食材既种类同分别俾我地听，原来池鱼同深海池鱼系两种鱼黎，深海池鱼脂肪超多，入口即融，高级食材既好处就系鲜味同腥味分得好开。呢块深海池鱼刺身完全冇鱼腥味，反而有一种淡淡既油脂香，一入口就化晒，令我差啲唔记得今日主角系鳗鱼！
首先打头阵既活海鳗蒸年糕，卖相有啲似日本既年糕福袋，但油炸过既表层入面除咗年糕仲有啖啖海鳗肉。年糕原本冇乜味，但海鳗有佢独特既鲜味，年糕属于一种比较吸味既食材，所以互补之下，吸收晒鳗鱼既精华，令成个年糕都含有丰富既海鲜味。感觉的确几新颖。
之后上场既选手系活海鳗天妇罗。我够胆话，大家系出面一定冇食过咁厚身既鳗鱼。唔系讲笑呢旧鳗鱼天妇罗几乎有一个五蚊银咁厚身，一咬落去成口都系鳗鱼既脂肪，肥美到几乎要揾支美极黎助兴。值得一提既系呢个鳗鱼天妇罗肉质系弹牙，而唔系出面肉质松散既次货，完全系食得出呢条鳗鱼生前系几咁有活力钟意做运动。
终于到主食上场了，活海鳗笼仔蒸饭。卖相搞笑，完全系酒楼既点心笼，不过入面就系鳗鱼汁蒸饭同大大旧鳗鱼肉。细食之人不必担心，呢个套餐并唔系以米饭黎填饱你既肚，而系用鳗鱼丰富你既心灵！当你以为头先既鳗鱼天妇罗已经系人间极品，咁呢只蒸饭上面既鳗鱼就系天国极品。
只系两旧鳗鱼，就已经几乎盖晒整个点心笼，你心入面可能会怀疑厨房入面系咪斩咗条百年鳗鱼精。弹牙、多脂肪呢啲系基本，精华系鳗鱼之下既米饭。每一粒都系充满鳗鱼汁同埋脂肪蒸完留抵既精华。食完一啖又一啖，系完全停唔到口，绝对唔可以睇少看似平平无奇既鳗鱼饭。
最后甜品系鳗鱼玉子蛋糕，呢个菜式真系闻所未闻。用鳗鱼精华所制造既玉子蛋糕，系有三层既味觉享受。第一层系蛋糕既松软，入口绵密；第二层系蛋糕底下既一层玉子，入口弹牙软韧，最后一层就系咀嚼之间散发出黎既鳗鱼香。呢个系一道极具创意既甜品，看似鳗鱼与蛋糕风马牛不相及，但师傅巧妙地揉合两者，的确有心思。
呢个活海鳗会席食之前觉得cp值高，食完之后觉得cp值简直系爆表，仲可以睇住师傅表演刀工，顺便普及埋食材知识，真系唔知一举几多得了。总括而言，系值得一试再试。
张贴
