影片
更多
2009-11-06
听人讲话活虾刺身好出名，我就记得我5年前去食过一次，真系好好味，所以今次就同成班同事去再试一次。8个人点咗8个𩠌：活虾刺身：真系好失望！一睇啲虾就唔新鲜，系死白色嘅，唔似佢张相咁系少少透明，我记得我5年前食嘅都唔系咁，摸埋装虾只碟，系冻嘅，分明啲虾系隔夜卖唔晒，之后就整定一碟碟放落雪柜雪住等第二日卖。本来我想出声，但系我同事一对筷子就夹咗嚟食，搞到我唔出得声话换；椰青焗饭：感觉好香，都几好食，但系就觉得湿咗啲；泰式牛肉炒河：我地问个老细话有啲乜嘢炒嘢食系辣嘅，佢介绍咗呢个，但系食落唔单只唔辣，仲要冇乜味；大拼盘：我只系食咗虾饼同埋香叶包鸡(因为每样只有6件，我地有8个人)，两样都几好味，由其是系虾饼，即炸热辣辣好好味；蟹膏炒大头虾：呢个都OK，但系就油咗啲，食完成咀都系油；大冬荫公汤：足料，酸辣适中，唔错；泰式凤爪：唔错。如果泰国餐厅做呢个都做得唔好，就执咗佢好过！佢送咗个生菜包拼盘，但系生菜得几片，都唔够包嘢食，不过送嘅嘢冇得要求咁多，味道都还可以啦。我觉得佢地有啲食物做得唔够灵活，好似拼盘同埋串烧，佢一SET串烧同埋大拼盘系每样6件，我问佢如果加多两支可唔可以，佢话唔得，一叫就要成
8个人点咗8个𩠌：
活虾刺身：真系好失望！一睇啲虾就唔新鲜，系死白色嘅，唔似佢张相咁系少少透明，我记得我5年前食嘅都唔系咁，摸埋装虾只碟，系冻嘅，分明啲虾系隔夜卖唔晒，之后就整定一碟碟放落雪柜雪住等第二日卖。本来我想出声，但系我同事一对筷子就夹咗嚟食，搞到我唔出得声话换；
椰青焗饭：感觉好香，都几好食，但系就觉得湿咗啲；
泰式牛肉炒河：我地问个老细话有啲乜嘢炒嘢食系辣嘅，佢介绍咗呢个，但系食落唔单只唔辣，仲要冇乜味；
大拼盘：我只系食咗虾饼同埋香叶包鸡(因为每样只有6件，我地有8个人)，两样都几好味，由其是系虾饼，即炸热辣辣好好味；
蟹膏炒大头虾：呢个都OK，但系就油咗啲，食完成咀都系油；
大冬荫公汤：足料，酸辣适中，唔错；
泰式凤爪：唔错。如果泰国餐厅做呢个都做得唔好，就执咗佢好过！
佢送咗个生菜包拼盘，但系生菜得几片，都唔够包嘢食，不过送嘅嘢冇得要求咁多，味道都还可以啦。
我觉得佢地有啲食物做得唔够灵活，好似拼盘同埋串烧，佢一SET串烧同埋大拼盘系每样6件，我问佢如果加多两支可唔可以，佢话唔得，一叫就要成SET，但系要2 SET又太多，我觉得如果可以加钱加多两支咁就最好。
张贴