金寶泰國菜館 (已搬遷) 新店位置

经过一星期的劳碌今日又可以大饱口福，今日被一道活虾身吸引到去了九龙城食晚饭！其实成日食泰国菜都食都好厌，不过见未食过金宝泰国菜馆，所以我都照去，乜都试下嘛！一行到去间餐厅附近见到好大个招牌写住金宝越南菜，初时仲以为行错左，后来先知道金宝系食越南及泰国菜，见到个越南菜我个心即时好开心，因为好想食越南菜好耐，今次真系一举两得！之前都听过泰国菜系有一道菜叫活虾刺身，但系次次同D 朋友去食饭个个都无兴趣食/唔食生野，今次都系我第一次食活虾刺身，就咁睇道菜个样都好吸引，活虾刺身好新鲜配以蒜头、辣椒及一个酸的汁，酸酸辣辣咁真系好开胃！咖喱蟹系每次食泰国菜必吃的食物，今次都唔例外都order 了一客，因为见个餐牌有分大/细，我地都怕唔好食所以拣了只细，入口真系好失望，蟹一d 都唔新鲜，个咖喱汁又偏向水&酱汁分离。另外再order 了一个该店出名的𩠌菜~明生菜，都几爽口！有菜圃、鱿鱼、青口、菜心、豆干等，味道就普通及好细碟！至于个杂锦并盘，这道就系越南菜，不过讲到炸物，只终都系黄珍珍系最好！餐饮选了龙眼冰，一见到杯龙眼次真系好开心，因为好多龙眼而且又唔系太甜。