上野鐵板燒專門店 (已結業)

今次系我第二次专登带埋呀妈嚟食，因为上次食个虎虾餐好好味，所以今次想试佢嘅活鲍鱼，见到有个虎虾神户薄牛片特价咗少少，忍唔住叫咗哩个2人餐再加只细活鲍鱼，活鲍鱼好鲜甜唔错，不过都几贵一只$138，今次个虎虾厨师整得好好味啊！多咗个汁：蛋、芝士、虾膏，淋上d虾肉度超好味啊！个虎虾真系好正好大只仲大过我只手掌呀！跟住个神户薄牛片都唔错，不过都几"溜"有成6块咁多架！其实厨师哥都加咗块香叶系入面清d等无咁"溜"架啦！好彩厨师哥最后果2块隔咗一阵比我哋抖抖先上啫！个炒饭又好香，银雪鱼整得唔腥都ok，至于鹅肝....我无食比埋呀妈食，佢话都好好味唔错~~最后食埋个清清地嘅杂菜饱到超满足，甜品呀妈食鸡蛋布丁，佢话好滑好香~~正~~至于我就拣咗红豆雪榚食，太少啦一个球~~好味.....唔系好够喉~~哈哈，下次一定要去食埋个鱿鱼筒，侧边果几个人客话好好味......可惜我哋太饱食唔落噜！