影片
更多
2019-03-16
63 浏览
喺佐敦炮台街呢间餐厅开左冇耐，今日同朋友补祝生日，拣左呢度，因为见呢度好评甚多，应该都会好稳阵。事前已经睇过呢度嘅报导，环境果然好舒服。餐厅面积大，有吧枱有卡座，灯光稍暗，比较有气氛。平日都好多人，好在有预订位置。店员好快安排好座位，整体服务都非常好，尤其有位女店员，特别有礼，上菜前后有介绍，不时更换餐具。menu选择非常多，除左铁板烧，仲有涮涮锅、寿司、刺身、厨师发办等等，最正系佢地主打嘅活海鳗，有好多款食法配搭，例如鳗鱼串、鳗鱼饭、鳗鱼蛋糕等，我地正正为此而来。最近喺日本旅行回来，真系特别怀念当地嘅鳗鱼料理。相对起一般omakase，其实更加期待今次嘅活鳗鱼会席，因为未喺其他餐厅食过呢。每人点左一份，首先上枱系沙律，好精致，放上两片炸鳗鱼皮，好香口，沙律菜新鲜开胃刺身盛盒3点分别有帆立贝、甜虾同炙深海池鱼，刺身整体都非常新鲜，甜虾大只，而且好鲜甜，质素好高；帆立贝柔软鲜味；最钟意轻轻火炙过嘅池鱼，除左有鱼香，鱼肉食落都好爽。活海鳗蒸年糕都好特别，第一次食咁有创意嘅料理，好似糯米糍咁，外层有少少脆，口感烟韧。里面似鳗鱼，鱼肉都几嫩，只系有啲细骨。活海鳗天妇罗唔会好厚粉，外脆内软，鳗鱼
menu选择非常多，除左铁板烧，仲有涮涮锅、寿司、刺身、厨师发办等等，最正系佢地主打嘅活海鳗，有好多款食法配搭，例如鳗鱼串、鳗鱼饭、鳗鱼蛋糕等，我地正正为此而来。最近喺日本旅行回来，真系特别怀念当地嘅鳗鱼料理。
相对起一般omakase，其实更加期待今次嘅活鳗鱼会席，因为未喺其他餐厅食过呢。每人点左一份，首先上枱系沙律，好精致，放上两片炸鳗鱼皮，好香口，沙律菜新鲜开胃
刺身盛盒3点分别有帆立贝、甜虾同炙深海池鱼，刺身整体都非常新鲜，甜虾大只，而且好鲜甜，质素好高；帆立贝柔软鲜味；最钟意轻轻火炙过嘅池鱼，除左有鱼香，鱼肉食落都好爽。
活海鳗蒸年糕都好特别，第一次食咁有创意嘅料理，好似糯米糍咁，外层有少少脆，口感烟韧。里面似鳗鱼，鱼肉都几嫩，只系有啲细骨。
活海鳗天妇罗唔会好厚粉，外脆内软，鳗鱼本身无多余调味，所以食落显得鱼味特别浓郁。
主食系活海鳗笼仔蒸饭，好特别嘅造型，同点心一样用蒸笼仔装住直接蒸，面头有好大片鳗鱼，鳗鱼肉几厚身，肉质软腍，唯一系真系太多骨，食得唔系好方便。饭粒黏身软熟，不过略干，冇乜鳗鱼汁。
活鱼刺身原条，价钱合理，厚切爽口，唔需要sauce都好好食；旁边加入姜、葱，更加香口
最后试埋鳗鱼蛋糕，好特别啊，因为鳗鱼蓉加入蛋糕，除左做到蛋糕嘅软熟质感，又真系有鳗鱼味，感觉好新奇。
张贴
