宮保 (已結業)

之前同朋友去了这里食饭，见有电视介绍过，于是去了试试，而见到呢个活龙虾巨大叻沙，就真系好吸引，本身朋友同本人都好喜欢叻沙嘅味道，因每天有限量，所以朋友一早订了，除此之外这里最出名就系用砂煲煮嘅招牌新鲜田鸡同猪肋骨，我就点了较喜欢猪肋骨还要小辣，呢个用上砂煲煮嘅猪肋骨，未入口上枱时个阵香味直扑入鼻，而砂煲内嘅汁绝对系要配多个米线 一齐入口，米线弹牙爽口加埋个浓郁猪肋骨汁，真系十分好味道！而猪肋骨肉质软淋，一咬骨肉分离，肉质十分入味，带点香辣，真系十分美味！而今晚主角上枱活龙虾巨大叻沙上枱，哗正系好大碗，上面大大只波士顿龙虾，放在大汤碗上，旁边围住了不同配料，有鲜味青口、开边蛋、弹牙爽口嘅大虾、带点辣嘅肉碎、吸满了叻沙汁嘅豆卜、大大块鱼柳、烟韧鱿鱼、弹牙鱼片，汤底鲜甜配埋爽弹嘅叻沙粉，材料够晒十足！两个人吃真系十分满够！而店员亦推介了麦片虾，一碟两只，外面用上麦片包住大虾再炸，麦片香脆可口，内里肉质弹牙爽口，确实味道唔错，有双重口味外脆内软！最后加埋个甜品柚子雪葩，柚子味道浓郁，份量刚好！这里还有很多不同选择，迟些再同朋到来品尝一番！