紅豆烘焙 (寶靈街)

营业中

休息中

星期日我特登出去佐敦买呢个法式面包布甸，睇左好多ig foodie 介绍呢间传统面包店所卖的法式面包布甸，系法式猪仔包中间挖成空心，再加布甸酱烤成，要整得靓同好食，好考功夫，呢间烤得真系好靓，同埋除左原味仲有朱古力味同紫薯味，甜度适中。每日四点新鲜出炉一出炉就开始见到人龙，可以趁热食或者买返屋企烘热食，我个人中意拎返屋企烘脆个包先食👍冻食个包应该系有少少烟烟韧韧，加埋布甸又系另一个口感，相对会较甜。味道非常惊喜，我用光波炉烘左四分钟，面包变得很香脆，中间布甸很流心有朱古力奶味道，撕开面包点朱古力酱，超好味！！另外紫薯味同原味雪左一日我先烘热食，烘了三分钟，唔会好似朱古力味流晒啲酱出来，食得比较方便，外皮很脆，原味好有蛋香，紫薯味都好重紫薯味，劲多馅，中间仲有少少冻，有冰火二重感觉，连埋面包食唔算好甜，十五蚊一件好过自己整。