新森林焗之專門店 (已結業)

同朋友行街食晏，喺女人街见到呢间餐厅，其中一个朋友话喺其他分店食过，味道都唔错，大家睇过餐牌都觉得唔错，决定喺度食午餐。其实焗嘅食物已经好吸引我，呢度牛脷同芝士溜心呢两款食物。我哋每人叫咗1份午餐，另叫1份下午茶餐，2款追加小食一齐Share。餐厅座位系茶餐厅风格，卡座有少少逼，餐厅亦无洗手间，不过食物质素最紧要，整体味道唔错。+$18追加小食：酿糯米鸡翼(2只)，胀卜卜嘅鸡翼，外皮几脆，里面嘅糯米亦好够味。+$14追加小食：鲜菌芝士焗西兰花，呢个份量都几多，西兰花软硬硬适中，虽然系芝士，但无滞腻感觉。下午茶餐炼奶厚切西多士，中间花生酱都几多，不过牛油完全溶唔到。芝士溜心安格斯牛肉汉堡焗饭，肉质好松软，一啲渣同鞋都无，里面嘅流心芝士加饭上嘅汁劲有满足感。森林杂扒饭，肉类都大大块，味道可以。芝士猪柳汉堡焗肉酱意粉，呢度嘅烤焗主食以饭为主，意粉类较少，肉酱意粉但无咩肉，呢度仲有多块猪柳汉堡就啱啱好，味道都唔错。慢煮牛坑腩拉面配豚王猪骨汤+$18追加即炸原件吉列猪扒1件，牛腩有啲鞋，猪扒有少少硬脆，肉质系松软，面就麻麻，呢个整体一般。