반찬앤쿡 Banchan and Cook (太古城中心)

营业中

休息中

星期五晚同朋友预祝生日饭，佢指定要食呢间餐厅。我地叫左韩式牛肉三文治、慢煮鸡胸蛋包饭、甜辣无骨炸鸡、烤朱古力棉花糖、荔枝柠檬沙冰、士多啤梨红桑子梳打。韩式牛肉三文治伴碟有唔少沙律: 南瓜、红菜头、薯仔等，三文治烘得刚好，牛肉唔韧。慢煮鸡胸蛋包饭蛋包饭一切蛋酱即刻流晒出黎，十分治愈。鸡胸唔会鞋口，份量都几多，唔错。甜辣无骨炸鸡(无骨半份)半份都几大碟，除左有啖啖肉既鸡之外，仲有年糕同薯条，十分邪恶。烤朱古力棉花糖卖相吸睛，上面有烤棉花糖，搭配消化饼碎同朱古力酱，一齐分享最正。饮品叫左荔枝柠檬沙冰($48)、士多啤梨红桑子梳打($42)，颜色几靓。