燒蝦蝦 (金福閣） (已結業)

呢间系元朗首间嘅流水虾放题，近年呢类型嘅餐厅都越开越多，非常之受欢迎，到底佢嘅吸引之处系喺边呢？ 里面嘅海鲜任食，而且餐厅都不断refill, 所以系唔需要同人地抢，随时随地都可以食到想食嘅嘢，海鲜有大大只嘅东风螺、鲍鱼、几种蚬、青口、扇贝、蚝、圣子、鱼🐟，鱼仲有大眼鸡添，原条烧起搣皮就食得，实在系正！另外仲有多种嘅疏菜，仲有牛仔骨，羊架，好多时放题呢类型嘅食品喺放题店食都麻麻哋，但呢到就唔同，质素都唔差，从图中都可以见到牛仔骨嘅油脂分布得好靓，绝对要食多两旧。餐厅提供咗大量调味料供唔喜好嘅客人，包括牛油、蒜蓉、味蒜、葱、泰式酸辣酱、孜然粉、烧烤粉、芝士、蜜糖等等😋劲爽！另外仲有多款嘅甜品、雪糕、饮品、熟食，熟食包括一啲炸物、中式及泰式嘅食品，包括冬阴功汤，泰式捞鱼皮&虾等，种类多到都唔知食边样好。5点入座7:30前卖单离座$338一位加一，任饮任食2.5小时，虽然有2.5小时，但食落发现原来都唔太够，不知不觉就够钟，唯一注意嘅系餐厅人山人海，大家都开着个炉起势咁烧，环境会有啲局促。