点心代表 (已結業)

以Garfield做主题, 作为爱猫之人要黎试试!环境舒适, 可能我系闲日黎朝圣, 没有太多人! 我地order左几款美食, 分别系流心奶黄包, 带子烧卖, 黑松露蒸饭和菠菜面鸡札, 当中流心奶黄包系最有惊喜, 奶黄馅料多到流出黎, 味道又唔会太甜, 好好味!带子烧卖卖相都相当可爱, 味道都唔错, 大大粒!而黑松露蒸饭都几香, 只系觉得细碟左少少, 食落去比较干身! 菠菜面鸡札就比较奇怪, 有少少格格不入, 但都入到口!整体黎讲都唔错, 可能人流唔多, 食物都好快上菜, 价钱就比一般点心价钱偏贵, 但系gimmick野本身就系咁，造型可爱, 味道真系唔错, 值得推荐!