影片
更多
2009-05-06
10 浏览
母亲节又好，我自己生日又好，总之就约左世伯同伯母黎食饭（即我阿爸阿妈）；三个人，订左枱7:30，开动﹗我早到，一坐低，部长姐姐就极力推介我食母亲节套餐，但我睇见就麻麻地，而且都应该食唔晒，所以我都睇返散叫，个menu都有好多款式选择，特价著数嘢亦多，唔经唔觉，睇睇吓佢两位都到了，我地叫左以下：1. 游水老虎班（$168一条） 条鱼一上枱，阿妈就话「只有游水鱼先唔使用姜一齐蒸」，我睇吓，又系wor，d肉真系好鲜味，阿妈钟意食骨，阿爸对鱼麻麻地，造就我可以啖啖肉。酒楼蒸鱼d豉油自己较过，同屋企个d真系好唔同，鲜鱼，葱，豉油，成件事好完美﹗2. 豉汁蒸带子（$48蚊4只） 蒸带子梗系有d粉丝垫底，但我反而觉得佢斋蒸带子已经好ok，因为d粉丝好削好散，唔掂。4只，就梗系我食多只啦，无理由要两位老人家食多只嘛……带子本身厚肉，有鲜味，加埋D豉汁反而浓味过头，如果淡返D就好D﹗3. 浓汤怪味鸡（$78半只） 原先谂都谂唔到D浓汤怪味系乜黎？见到佢上枱，真系「估佢唔到」。油林林咁，浸住半只鸡，试一啖，其实有D似盐焗鸡，不过佢比盐焗鸡多左一D嘢，我唔知估得啱唔啱，我估系椰汁
我早到，一坐低，部长姐姐就极力推介我食母亲节套餐，但我睇见就麻麻地，而且都应该食唔晒，所以我都睇返散叫，个menu都有好多款式选择，特价著数嘢亦多，唔经唔觉，睇睇吓佢两位都到了，我地叫左以下：
1. 游水老虎班（$168一条）
条鱼一上枱，阿妈就话「只有游水鱼先唔使用姜一齐蒸」，我睇吓，又系wor，d肉真系好鲜味，阿妈钟意食骨，阿爸对鱼麻麻地，造就我可以啖啖肉。酒楼蒸鱼d豉油自己较过，同屋企个d真系好唔同，鲜鱼，葱，豉油，成件事好完美﹗
2. 豉汁蒸带子（$48蚊4只）
蒸带子梗系有d粉丝垫底，但我反而觉得佢斋蒸带子已经好ok，因为d粉丝好削好散，唔掂。4只，就梗系我食多只啦，无理由要两位老人家食多只嘛……带子本身厚肉，有鲜味，加埋D豉汁反而浓味过头，如果淡返D就好D﹗
3. 浓汤怪味鸡（$78半只）
原先谂都谂唔到D浓汤怪味系乜黎？见到佢上枱，真系「估佢唔到」。油林林咁，浸住半只鸡，试一啖，其实有D似盐焗鸡，不过佢比盐焗鸡多左一D嘢，我唔知估得啱唔啱，我估系椰汁，够怪未呢？但系无论乜味都好，我就觉得佢唔够入味，即系鸡皮就有D味，D肉就同白切鸡冇乜分别﹗
4. 白银蛋苋菜（$58）
基本嘢啦，但系叫左佢要整淋D，阿爸食唔到硬嘢，到最后阿爸只食到菜叶，但对我同阿妈黎讲又几好味BOR
5. 甜品 - 流沙包（20蚊半打）
其实我一向都唔食甜嘢，不过我老豆就极度喜爱（真系唔知点解？）咁其实食完上面4样嘢，大家都已经好饱（其实都食唔晒），但我地都照叫左半打流沙包……真系好奇怪架，一人食两个都得WOR。讲返流沙饱先，我一食就流沙了，好热，好流，好滑，加上又唔系好甜，我真系好钟意，我会为流沙包下次再encore
6. 白饭一碗$8
张贴
