影片
更多
2024-10-14
1107 浏览
重阳节假期去流浮山行吓，唔系去食海鲜，今次系食开咗几日嘅任食韩烧同窑鸡，系咪估唔到呢？餐厅原址为法国fusion菜，韩泰太接手之后保留上手装修尤其系幅著名蓝白希腊🇬🇷女神打卡墙壁画. 餐厅楼高三层，室内充满欧陆宫廷风够典雅，室外露营风座位好好feel，而家开始秋凉真系好舒服，多啲活动空间小朋友同毛孩最开心. 最正嘅系早啲订位，同餐厅讲就可以预留车位🤑免费泊车.午市放题90分钟大人小朋友𠄘为$168同$118，晚市120分钟就$278/$148. 包埋饮品任饮（生啤除外）可以话系超级癫！ 因为连只古法窑鸡都可以任食（如果你食到嘅话😂）. 呢只鸡真系不得了，鸡皮超香脆，鸡油饱满，鸡肉嫩滑，原只食真系宁舍原汁原味. 坐低先叫饮品再用QR code点餐好方便，呢度主打樽装软饮料，😎樽装可乐超爽，又系另一加分位，因为出面真系买少见少. 至于韩烧部份，令人惊艳当然有罕有嘅炭炉烧烤‼️真系好风味好多而且老板仲不计成本用咗靓嘢❤️荔枝炭. 食物选择都算充足，肉类选择都多大路款，例如牛仔骨、猪颈肉、猪五花、午餐肉、肠仔、丸类等等，蔬菜都有南瓜、粟米、菇类、洋葱、菠萝等，海鲜就有鱿鱼圈同埋锡纸包蚬. 酱汁分咗
餐厅原址为法国fusion菜，韩泰太接手之后保留上手装修尤其系幅著名蓝白希腊🇬🇷女神打卡墙壁画. 餐厅楼高三层，室内充满欧陆宫廷风够典雅，室外露营风座位好好feel，而家开始秋凉真系好舒服，多啲活动空间小朋友同毛孩最开心. 最正嘅系早啲订位，同餐厅讲就可以预留车位🤑免费泊车.
午市放题90分钟大人小朋友𠄘为$168同$118，晚市120分钟就$278/$148. 包埋饮品任饮（生啤除外）可以话系超级癫！ 因为连只古法窑鸡都可以任食（如果你食到嘅话😂）. 呢只鸡真系不得了，鸡皮超香脆，鸡油饱满，鸡肉嫩滑，原只食真系宁舍原汁原味. 坐低先叫饮品再用QR code点餐好方便，呢度主打樽装软饮料，😎樽装可乐超爽，又系另一加分位，因为出面真系买少见少.
至于韩烧部份，令人惊艳当然有罕有嘅炭炉烧烤‼️真系好风味好多而且老板仲不计成本用咗靓嘢❤️荔枝炭. 食物选择都算充足，肉类选择都多大路款，例如牛仔骨、猪颈肉、猪五花、午餐肉、肠仔、丸类等等，蔬菜都有南瓜、粟米、菇类、洋葱、菠萝等，海鲜就有鱿鱼圈同埋锡纸包蚬. 酱汁分咗韩式、惹味同泰式. 肉类腌得好好够入味而肉类质素都不俗，又大块又厚身，牛仔骨同猪五花都好正，不过太饱猪颈肉就冇试但系店员话好好食下次要试. 个人大爱芝士肠、鸡软骨、鱿鱼圈、蚬(超级鲜甜），仲有个柠檬鱼柳. 另外值得一提系佢个泡菜系原条劲巨型要自己剪开食. 只系食咗一round已经饱到郁唔到，投降🤣有阵时如果想买𩠌加料，都可以就咁零售买只鸡返去，都要两百几蚊一只.
餐厅只系开咗几日，员工陆续到位，所以暂时人手可能有啲紧张，要多多包容下. 嚟紧店员话都会不断改良各方面迎合顾客需要，例如推出午市饭套餐、散叫等等. 几个哥哥店员都真系好友善，食完如果想行一阵街都可以同佢哋讲声拍多阵佢哋都会尽量配合，好抵赞. 年尾啲gathering有着落啦，仲唔快啲试吓
张贴
