龍如酒家

营业中

休息中

呢个地方我未嚟过，一心只想食海鲜同行吓睇吓，香港食海鲜比较出名嘅地方我都会想试吓，多数都会比较偏远，呢一站嚟到流浮山。嚟到已经系夜晚，好多舖头都闩晒门，我哋随便拣咗间坐低食海鲜。餐厅嘅枱布系绿白色格仔好怀旧，客人唔多，只有几枱，我哋两个人拣咗啲海鲜，另外再叫咗半只鸡，味道唔错但都几细碟，埋单嘅价钱可以接受嘅。半斤虾，虾肉新鲜弹牙，份量有啲少。豉椒炒蛏子，几惹味。蒜茸粉丝蒸扇贝，蒸得唔错，清清哋，粉丝吸晒扇贝鲜味。怕唔够饱叫多半只鸡，鸡肉都几韧，味系够嘅。鲍鱼蒸得唔错。斑仔都蒸得几滑。