影片
更多
2021-08-22
2991 浏览
今日特登入流浮山食海鲜！平时屋企人食开呢间明记海鲜酒家周末晚餐好多人好旺好在佢有几层 只系每层都只系坐到4枱 大概25个人佢系自己拣海鲜 之后落单叫想点煮 所以份量 价钱视乎你买几多1️⃣海鲜汤呢个系送嘅 汤新鲜用豆腐 蚬 鱼煲嘅 味道好鲜 清淡唔咸 无加味精2️⃣芝士焗龙虾伊面超大只龙虾🦞 我地买咗$5xx旧肉真系超级大旧 第一次食咁嘅size可以成个球咁起出嚟龙虾啖啖肉 咬落好爽 好重海鲜味 唔知点解食完个喉咙好似起沙咁😂不过超好食！芝士酱味道啱啱好 唔太稀又唔太浓 所以完全唔腻伊面质地都好好 唔过淋唔易断开 又好索汁👍🏻系出色嘅芝士焗龙虾伊面3️⃣椒盐鲜鱿🦑依个可以就咁落单叫都好大碟吓佢炸到金黄色 食落超香脆椒盐味唔算好重 但系绝对够味外面层粉唔会好厚 所以主要都系食到鱿鱼香味同埋虽然系炸 佢又唔会油淋淋 反而几干身4️⃣豉汁炒蛏子底部系壳 上面全部蛏子每条都超大条 佢调味调得好 完全冇腥味唔好睇佢好似好多酱好咸 食落其实少少甜甜地蛏子食落好有嚼口 要咬好耐先吞到但系咁样先品尝到佢嘅味道😋5️⃣斑腩炒菜芯呢个我哋个斑腩买咗$4xx 所以都超大碟每旧都系肉 冇乜骨 另外炒埋姜 冬菇 青椒🫑 都系完全唔
平时屋企人食开呢间明记海鲜酒家
周末晚餐好多人好旺
好在佢有几层 只系每层都只系坐到4枱 大概25个人
佢系自己拣海鲜 之后落单叫想点煮 所以份量 价钱视乎你买几多
1️⃣海鲜汤
呢个系送嘅 汤新鲜用豆腐 蚬 鱼煲嘅 味道好鲜 清淡唔咸 无加味精
海鲜汤
32 浏览
0 赞好
0 留言
2️⃣芝士焗龙虾伊面
超大只龙虾🦞 我地买咗$5xx
旧肉真系超级大旧 第一次食咁嘅size
可以成个球咁起出嚟
龙虾啖啖肉 咬落好爽 好重海鲜味 唔知点解食完个喉咙好似起沙咁😂不过超好食！
芝士酱味道啱啱好 唔太稀又唔太浓 所以完全唔腻
伊面质地都好好 唔过淋唔易断开 又好索汁👍🏻
系出色嘅芝士焗龙虾伊面
芝士焗龙虾伊面
45 浏览
0 赞好
0 留言
3️⃣椒盐鲜鱿🦑
依个可以就咁落单叫
都好大碟吓
佢炸到金黄色 食落超香脆
椒盐味唔算好重 但系绝对够味
外面层粉唔会好厚 所以主要都系食到鱿鱼香味
同埋虽然系炸 佢又唔会油淋淋 反而几干身
椒盐鲜鱿
58 浏览
0 赞好
0 留言
4️⃣豉汁炒蛏子
底部系壳 上面全部蛏子
每条都超大条 佢调味调得好 完全冇腥味
唔好睇佢好似好多酱好咸 食落其实少少甜甜地
豉汁炒圣子
40 浏览
0 赞好
0 留言
蛏子食落好有嚼口 要咬好耐先吞到
但系咁样先品尝到佢嘅味道😋
5️⃣斑腩炒菜芯
呢个我哋个斑腩买咗$4xx 所以都超大碟
每旧都系肉 冇乜骨
另外炒埋姜 冬菇 青椒🫑 都系完全唔腥
班腩肉质比较实 唔易散 啖啖肉
仲有啲透明膏位 食落少少黏 好得意嘅口感
用嚟𩠌白饭好正🤤
菜芯起底 每条都劲粗 咬落清脆 有啲菜感觉健康啲
斑腩炒菜芯
31 浏览
0 赞好
0 留言
6️⃣辣白酒煮花螺
有啲似法式焗田螺咁 一只只细细只
佢有俾签你撩个肉出嚟食 放便啲
肉味道同蛏子其实差唔多🙈只不过佢真系好辣🌶著火🔥
几神奇系果然食到白酒味
呢碟相对冇咁出色 都系谂住试吓花螺
下次可能试其他嘢
辣白酒炒花螺
22 浏览
0 赞好
0 留言
海鲜果然煮得超好食 落足功夫整 明显比一般城市海鲜店出色
环境就差少少 比较逼同埋唔太舒服 不过都可以理解
服务态度好 啲姐姐好有礼貌
唯一挑剔位系上菜太过慢 每碟都要等好耐 原先叫咗个炒饭 以为唔使等太耐 点知食晒都未嚟 所以最后取消咗唔要
CP值…系好贵架喇 但系预咗 难得一次食海鲜 豪吓💸不过绝对值得嘅
如果大家想食高质海鲜餐 不妨试吓入嚟流浮山！
张贴
