新陶園海鮮酒家

营业中

休息中

流浮山一向出名食海鲜，大大小小都有好多间酒家。食咗咁多年嚟讲，要坐得舒服又好食，就真系非依间莫属👍🏻星期日订座6点，时间算早去到唔多人。环境宽敞坐得舒服，侍应招呼快兼有礼。上菜时间算快唔驶点等，可能因为早食。就连加水都一叫就有人埋嚟，好高效😆豉油王大虾🍤招牌菜，非试不可！外脆内软，豉油味香而不咸。干身够镬气，唔会油淋淋。连壳都食埋，超正😋沙巴龙趸两食（炒球+炆骨）🐟炒球鱼肉爽口弹牙，鱼皮烟韧带胶质。炆骨香脆惹味，送酒一流，又系非试不可👍🏻豉椒炒蛏子肉够大只饱满，爽口冇沙。豉汁惹味，捞埋煎米粉底又另一番味道。姜葱鲍鱼煲🥘鲍鱼刚刚熟，软滑弹牙。充满姜葱香味，闻到都已经流口水🤤第一次食绝对有惊喜👍🏻蒜蓉粉丝蒜元贝元贝蒸得刚好唔韧，蒜汁加埋粉丝都系一贯食法。粉丝有先浸软再蒸，咬落唔会硬。招牌炒饭饭炒得够干身大碟，好多配料。食落似杨洲炒饭嘅味道。