浜焼き (已結業)

话说我地book咗星期日9点两位，8点半𠮶时餐厅就打畀我地，问我地可唔可以早啲到，初时我地仲以为好多人等紧枱，所以就拿拿声赶过去。点知去到𠮶时，成间餐厅原来得我地一枱客，好奇怪。我地坐低咗半个钟左右，佢地就已经开始执枱打扫，准备收档咁嘅款，但佢地嘅营业时间明明话去到11点架㖞，结果搞到我地都食得好赶咁，惊阻住人地收工⋯表示好无奈⋯－－－－－大葱鸡肉串 HKD30牛舌串 HKD42黑豚腩串 HKD36首先讲下左手边嘅猪腩肉，半肥瘦嘅腩肉，一层脂肪一层肉，肉质够嫩，肥膏入口即溶，唔错。而中间嘅牛舌，表面烧到焦香脆身，内层就爽口多汁，我最爱！至于鸡串，虽然烧到有少少老同干，不过食落都仲算嫩嘅其实，不过不失啦。－－－－－足量寿司 HKD158叫得足量寿司，名副其实就系讲紧佢够哂份量，由左至右分别系：葱吞拿鱼蓉、青瓜蟹籽沙律、海胆同蟹肉，每款都摆到泻出嚟咁制，未食就已经觉得好满足～不过既然落得咁多料，价钱当然都有返咁上下～除返开，平均每件盛惠40蚊，所以唔算抵食架，只系视觉上够震撼～－－－－－呢个盛合黎讲，最好食既系鲍鱼～佢基本上系无加特别既调味料，只系向烧既时候加左两滴酱油，所以食既都系鲍鱼本