漁獲浜燒 (已結業)

渔获浜烧一向大获好评，最新转战九龙区，落户尖沙咀食街 — 厚福街的H8 11楼，装修同整体感觉与铜锣湾主店差唔多，可以话倒模一样。特制黑松露灸烧平目鱼边沙律 (138) - 沙律菜以黑松露及醋调味，味道都几rich几浓郁，一啲都唔觉得单调，而醋同松露比例夹得几好，酸甜且香。平目鱼边拥有极重嘅鱼脂，油香丰富，入口即时溶化。波士顿龙虾 (388) - 虽然波士顿龙虾唔系特别高级嘅食材，但系以浜烧形式即烧即食，又确实系几高级嘅享受，毕竟高级龙虾有机会索价$600或以上，预算低啲已经系唔错嘅选择。龙虾爆晒膏，味道非常香甜可口，一啲苦涩味都无，邪恶得黎令人想一食再食。至于龙虾肉质爽实，味道鲜甜而有丰富肉汁，以波士顿龙虾黎讲，算系几好食。(云丹)海胆手卷 (98) - 海胆幼滑非常Juicy，味道亦很鲜甜，相当高质，但切记要尽快享用，以免紫菜变淋。河豚锅 (388) - 汤底以河豚骨、昆布及鲣鱼肴成，味道鲜甜浓郁，将杂菜及菇菌等一齐煮，款式及味道都有啲似日式寿喜烧。至于河豚肉系整锅嘅精华，平常亦较少餐厅有提供，河豚嘅肉质爽实，非常有弹性，味道都几鲜甜特别。