九記牛腩

营业中

休息中

不嬲相信盛名之下无虚士，不过今日一试九记，大失所望。下昼三点几杀到，店前已有小人龙。不过稍等十分钟就入得。呢度嘅伙记，禀承香港四大奇食嘅作风，对客人基本上颐气指使，毫无侍客之道。当然，比之澳牛，九记服务当然算系非常周到。奇食之风应该系“我有美食，你俾我hi auntie都要照食”，不过九记今次好似唔系几做得到。入到去一坐落就同澳牛差唔多咁迫，同坐有一对中国情侣同一个日本家庭。点咗个上汤牛腩伊面同冻奶茶：奶茶不值一提，垃圾水平。到重点嘅腩伊。牛腩非常瘦，好少肥。咬落好老身，甚为韧，口感非常差。不过牛味几重。唔算食唔落口，但以九记之盛名嚟讲，完全唔合格。伊面冇煮得太淋，口感甚好，不过此属一般水平，不值一晒。个汤味厚而清，算系唔错。会揾日再试，睇下佢系浪得虚名，定系一时失手。p.s. 同枱日本小妹妹𠮶碗有cockcroch于其中 希望九记可以做得干净少少，唔好影衰香港。