太陽蕃茄拉麵 (已結業)

又一出名拉面来到香港变得面目全非⋯号称全日本拉面榜排第七既拉面，竟然如此。饺子一碟六只，唔热得来里面仲有怪味，食两只已经系极限。讲到拉面，我相信日本总店绝对唔会用超巿几蚊鸡即食拉面做面底，但来到香港竟然悭水到咁，个即食面底上枱已经黏作一团。先试咗个烧鸡拉面，个汤本来几清甜尚可入口，但却被呢啲即食拉面搅到不伦不类，清汤变成严重得令人倒胃的碱水汤，碱水味完全盖过清汤味，是全店最败北之作。蕃茄拉面则好少少，主要是𫑷水味好像被蕃茄汤盖过，道理有如星爷响食神里面形容既咖哩鱼蛋猪大肠一样，可是入到口还是尝到那一阵浓烈既碱水味。纵然其他小吃如鸡软骨、芝麻鸡翼、黑醋鸡翼等尚算ok，但谁会打算去到只吃配角既小吃而不吃主打既拉面同饺子？标榜全日本拉面排行榜第七位主打蕃茄拉面，但却是全店最失败之作，难怪纵然开在人流过盛既将军澳仍然不用等位之，且仲有一半枱冇人坐。