Parallel

营业中

休息中

眨眼又一年，同男朋友周年纪念当然要庆祝。一向钟意食西餐的我，今晚拣了间很有情调嘅西餐厅浪漫一下。优雅的餐桌配上小花和小灯，柔和灯光，简约的装潢，令人舒适写意。半开放式的厨房可睇住厨师们专注嘅样子，好charm呀！晚巿是半自助形式（$318/位），包有一份主菜、自助沙律、是日精选汤和咖啡或茶，部份主菜需加钱。是日精选汤是西兰花忌廉汤，热辣辣，闻到阵阵西兰花的香气，好吸引！西兰花没有打磨至全茸，吃到幼碎的西兰花，口味丰富，亦有浓郁的西兰花味，喜欢没有加入太多忌廉，健康有益，喜欢！厨房前台是自助区，放了一碟碟精美嘅前菜沙律，色彩缤纷，令人食指大动。数下数下，足足有十五款，沙律菜、不同款式沙律、烟三文鱼、冷切肉盘、芝士，还有海鲜冷盘，相当丰富。基本上无嘢唔食，所以款款都攞啲试下。第一碟就最喜欢系色彩丰富嘅三色椒鹰咀豆，又有益又饱肚，味道清新。另外啲红菜头都好清新多汁，够fresh!第二碟就好钟意杂果沙律，有超甜多汁嘅菠萝、哈蜜瓜、黄桃、蓝莓和草莓，好丰富！仲有吞拿鱼长通粉沙律味道调得刚好，唔会太多酱，长通粉又有口感，不错！第三碟就是冷盘，海鲜有三款，有爽口嘅翡翠螺、肥美嘅青口和鲜甜弹牙嘅白虾。