好日咖啡店 (已搬遷) 新店位置

今日情人节，男友竟然仲未谂食咩！😆😆两个人放左工系铜锣湾一带揾食，呢条街都有几间cafe出左情人节套餐，最后见到呢间餐牌ok, 而且摆设都几靓，好似几浪漫，好衬今日既主题！所以入左去啦，好在冇book位都有位！前菜：意大利巴马火腿 甜脆蜜瓜 意式黑醋沙律巴马火腿卷住甜甜既蜜瓜，一咸一甜，至佳配搭！用黑醋做沙律不但只健康而且令菜更鲜甜，不过应该系其中加左最苦既火箭菜！😣汤：新鲜南瓜蓉松子仁忌廉浓汤本身对南瓜汤冇咩兴趣，不过佢呢个南瓜蓉汤都唔错!每人可以拣一个主菜，佢一共有2款，所以我地各选一个share食主菜：香草蒜烤澳洲安格斯西冷（7安士）拌薯菜牛扒冇问到我地几成熟，原来预设左5成熟左右啦！😁😁岩岩好岩晒我！见到隔离枱系大肚婆，佢地都有主动将牛扒变全熟！贴心服务，不错！主菜：炙烧慢煮带子 香煎虎虾 配龙虾汁蚬肉意粉唔中意个龙虾汁呀！不过呢个纯粹个人喜好，唔可以话佢难食！因为个带子同虎虾都唔错！而且意粉既软硬都系刚好！甜品：经典芝士蛋糕配雪糕我开头以为一人一set, 原来2个人得一set! 噢！甜品系女士最爱！得一份太可惜了！雪糕系正常既云呢拿曲奇味！芝士蛋糕都做得好好！饮品：柚子特饮