AVA Restaurant Slash Bar (已結業)

为左同女朋友庆祝拍拖周年记念，到处揾边度有靓景又抵食既餐厅，见到呢间又有全海景又有信用卡优惠，特意提早左一星期订位，希望有个难忘的晚上。餐厅位置都好近地铁站，基本上一出转个大弯就到，不过一开始去到酒店大堂揾唔到餐厅，问问职员先知，原来系独立左一部电梯直上餐厅。整体餐厅的布置华丽，充满浪漫情调。一坐低马上就有职员为我地介绍餐牌及食物安排，推介主题是海陆双重奏之夜，一次过可以满足哂我地既食野偏好，好适合中意食牛既我同中意食生蚝既女朋友。除此之外仲有自助式沙律吧同埋小食，等待期间除左不忘影相，都忍唔到口食左D小食先。先上菜系生蚝同带子，食材非常新鲜，隔离枱见我地食得咁滋味都忍唔住加单，生蚝好抵食，一打先$268，如果唔系眼阔肚窄都想叫多一打食。牛有好几个部位可以选择，有选择困难的我最后拣左餐牌下面Chef's special combo 有个mixed turf platter for two persons, 咁就可以咩都有D。份量比想像中大，而且味道香浓口感juicy, 食完成份牛都已经非常饱，另外加的马铃薯配菜都食唔落了。