囍公館 (已結業)

今日同男朋友庆祝生日，黎到囍公馆食晚餐。虽然餐厅主打食中菜，但环境几似西餐厅，灯光比较昏暗，气氛都唔错。野食方面我地就叫左三样野，分别系香草蜜豆玫瑰露叉烧 / 龙皇海鲜泡饭 / 大厨炒饭。香草蜜豆玫瑰露叉烧，食落其实有少少失望，因为好多人推介依个，但我觉得都系有少少普通，相比一D专门食叉烧既餐厅有段距离，而且价钱唔算特别平，如果唔系特别喜好叉烧可以唔使试依个。龙皇海鲜泡饭，依个就相当有惊喜，佢上菜时汤同饭系分开上，个汤系热到滚果种，值得一赞! 而个饭好特别，佢系有种脆脆地既感觉，唔系一般平时食到既饭，再加埋个汤有好浓既龙虾味，成件事加埋好正，都好岩冬天食，食完会有好暖既感觉。大厨炒饭，成个饭都好足料，有虾肉、带子等等，而且个饭都炒得几干爽，算系几抵食。到最后我预备左个生日甜品比我男朋友，外面系朱古力，而入面应该系有D酒心红莓酱，食落酸酸甜甜，都几特别。我觉得成个餐厅野食并唔系重点，当然都算系合格之上，而系餐厅气氛环境都好适合情侣黎庆祝，而且出面就系无敌大海景，够哂浪漫。准备庆祝既你都可以谂谂黎依到一试。