Wing's Kitchen (已結業)

同男朋友响附近行街，见倒呢间餐厅好似几有情调就入左去。餐厅入面好多位都俾人book左，好在walk in都仲有位入面好有格调，周围有好多画，而且每张枱都有左蜡烛，好浪漫。两个人梗系食二人餐啦二人餐佢都有两款，俾个大力水手pizza吸引住所以我地就拣左338果个。是日头盘系烟三文鱼沙律。最钟意就系食烟三文鱼，呢个烟三文鱼唔会太咸，配埋啲沙律菜岩岩好。餐汤系蘑菇汤。蘑菇味好汤而且仲有小小松露味饮落仲有啲蘑菇碎，好足料。等主菜嘅时候，我地见倒隔离台台都食紧鸡翼，所以都叫左个wing to go鸡翼，拣左水牛城同农场味。个农场味酱应该系酸忌廉酱黎。佢同鸡翼劲衬，啲鸡翼炸到个皮好脆，咬落仲有鸡油溜出黎个烩饭有好多八爪鱼，几乎每一啖都可以食倒。个汁好浓蕃茄味，个汁好杰，配埋啲饭岩岩好。大力水手pizza，一黎到见倒两只蛋已经觉得好特别。食落都好有惊喜，个pizza好薄，一啖落去好脆，面头有啲蕃茄酱，食完好开胃。啲食物上得好快，尤其是个鸡翼真系好正。Btw其实佢个menu都造得好有心，连啲酒系咩味，饮落咩口感都有介绍埋。