影片
更多
2023-05-21
621 浏览
早前去完海洋公园嘅企鹅餐厅之后，就一直揾吓有冇类似可以近距离同动物共进晚餐嘅餐厅😂估唔到荃湾就有呢一间水母特色主题餐厅。入到去真系哇一声，环境比较昏暗，好浪漫的感觉，再配合海底世界嘅投影，好有气氛！好欣赏佢哋一点，就系每一台隔离都会有一个水母观赏鱼缸，而每一台嘅水务品种都唔同，可以近距离望住飘下飘下嘅水母共进晚餐，真系好特别，超级适合情侣到访，好特别嘅体验！🎈美国粗薯条配自家制黑松露酱$78黑松露酱好浓郁好滋味，食得出薯条全部都系即叫即炸，热辣辣好脆口，食到停唔到口。🎈西班牙红虾三文鱼籽意大利饭$298红虾好大只，同埋好爽口，入边仲会有少少膏添。意大利饭煮得啱啱好，唔会太硬，粒粒分明，每一粒饭都吸收左好浓郁嘅龙虾汁。🎈香煎法式鹅肝配自家制红莓酱 $188虽然得一旧，但真系好好食！因为鹅肝比较厚身，加上红莓汁微酸甜，又唔会遮盖鹅肝嘅味道，而且完全冇油腻感！🎈10oz厚切安格斯肉眼扒$428足足10安士嘅安格斯肉眼扒，肉质非常多汁，每一啖都好有牛味，而且都够嫩，唔会好鞋。🎈Lychee Cider $88荔枝味好动，但又唔会死甜，饮得出有少少青柠嘅味道，感觉好清新，十分解腻。
入到去真系哇一声，环境比较昏暗，好浪漫的感觉，再配合海底世界嘅投影，好有气氛！好欣赏佢哋一点，就系每一台隔离都会有一个水母观赏鱼缸，而每一台嘅水务品种都唔同，可以近距离望住飘下飘下嘅水母共进晚餐，真系好特别，超级适合情侣到访，好特别嘅体验！
🎈美国粗薯条配自家制黑松露酱$78
黑松露酱好浓郁好滋味，食得出薯条全部都系即叫即炸，热辣辣好脆口，食到停唔到口。
🎈西班牙红虾三文鱼籽意大利饭$298
红虾好大只，同埋好爽口，入边仲会有少少膏添。意大利饭煮得啱啱好，唔会太硬，粒粒分明，每一粒饭都吸收左好浓郁嘅龙虾汁。
🎈香煎法式鹅肝配自家制红莓酱 $188
虽然得一旧，但真系好好食！因为鹅肝比较厚身，加上红莓汁微酸甜，又唔会遮盖鹅肝嘅味道，而且完全冇油腻感！
🎈10oz厚切安格斯肉眼扒$428
足足10安士嘅安格斯肉眼扒，肉质非常多汁，每一啖都好有牛味，而且都够嫩，唔会好鞋。
🎈Lychee Cider $88
荔枝味好动，但又唔会死甜，饮得出有少少青柠嘅味道，感觉好清新，十分解腻。
张贴
