Solé (已結業)

呢排做野有啲辛苦，想静静地揾个好靓既地方，食餐饭，同老公拍下拖♥️我拣左位于 megabox 既Sole ，餐厅的外表好高级的感觉，职员亦都好有礼貌，但价钱非常合理！枱面放左两个黑番茄同柠檬，我呢啲大乡里第一次食黑番茄，完全无生番茄的腥臭味，非常甜👍🏻👍🏻我哋叫左set dinner for two, 有3个course，头盘叫左两份唔同煮法的鸭肝，煎鸭肝真系好香，煎完鸭油香超正但配左无花果酱，减轻油腻感🤭另一份鸭肝慕丝都好好食👍🏻搽面包啱哂！佢哋送的面包都好食，用白提子干整的燕麦包，非常松软！主角炭烤西冷牛扒，我要左7成熟，炭香味非常香，有皮脆肉嫩的口感，无筋，一啲都唔「鞋」薯条作为配菜都好好食，好鬼脆👍🏻👍🏻老公叫左份羊架都好正，唔会好骚，处理得好好，油脂好平均，唔会好肥，我都好喜欢，加埋个芒果芝士蛋糕做甜品，饱到呢🤭🤭🤭望住个咁靓嘅环境食左餐咁满足既，即刻开心哂♥️