影片
更多
2009-11-04
28 浏览
见到愉景湾个「秋日浪漫」宣传咁劲，所以决定同蕃茄蛋入去睇睇加食嘢。一早已经预订咗Zaks，同埋要求要睇到烟花嘅枱。去到时，都颇多人。我哋被安排坐喺室外，由于天气唔系太热，所以几舒服。我哋叫咗：- Zaks Nachos with Chilli Beef - Fettucini Carbonara 饮品方面，我哋就叫咗：- Cappuccino - Ginger Ale - Orange Squash (后加) 两杯饮品先上，据蕃茄蛋讲，杯Cappuccino唔系太甜(曾经怀疑过系佢哋唔记得落糖)，好彩蕃茄蛋平时饮开斋啡，所以绝对啱晒佢口味。而我杯Ginger Ale，根本好难唔好饮。两款Main Course好快送到嚟，见到啲portion真系大得好紧要，连我同蕃茄蛋两个唔系细食嘅人都有少少压力。为咗唔想啲Fettucini冻咗之后会变到一嚿嚿，所以我哋先食Fettucini。出面好少见到有Fettucini配Carbonara嘅组合，但系食落一啲都唔错。首先个蛋汁好香先，Creamy得嚟又唔会太稠，烟肉碎亦唔会过少，所以觉得好好味。同埋成碟Fettucini都整得好均匀，唔会有啲面条
一早已经预订咗Zaks，同埋要求要睇到烟花嘅枱。去到时，都颇多人。我哋被安排坐喺室外，由于天气唔系太热，所以几舒服。
我哋叫咗：
- Zaks Nachos with Chilli Beef
- Fettucini Carbonara
饮品方面，我哋就叫咗：
- Cappuccino
- Ginger Ale
- Orange Squash (后加)
两杯饮品先上，据蕃茄蛋讲，杯Cappuccino唔系太甜(曾经怀疑过系佢哋唔记得落糖)，好彩蕃茄蛋平时饮开斋啡，所以绝对啱晒佢口味。而我杯Ginger Ale，根本好难唔好饮。
两款Main Course好快送到嚟，见到啲portion真系大得好紧要，连我同蕃茄蛋两个唔系细食嘅人都有少少压力。为咗唔想啲Fettucini冻咗之后会变到一嚿嚿，所以我哋先食Fettucini。出面好少见到有Fettucini配Carbonara嘅组合，但系食落一啲都唔错。首先个蛋汁好香先，Creamy得嚟又唔会太稠，烟肉碎亦唔会过少，所以觉得好好味。同埋成碟Fettucini都整得好均匀，唔会有啲面条索唔到味。
到个Zaks Nachos with Chilli Beef，呢个嘅份量仲夸张，实在大得过份。啲Nachos又香又脆，第一啖摆落口时，真系好惊喜。同埋加咗Chilli Beef同少少cheese，令到成碟好惹味，简直停唔到口。慢慢一路叹住海风、一路食住啲Nachos，真系觉得好写意。
最后加𠮶杯Orange Squash，系因为见到好多人都有提及过而评价又唔错，所以专登叫嚟一试。入口的确好新鲜，而且，以呢个价钱真系好抵。
其实原本谂住试Zaks嘅Pizza，但系无办法，佢啲嘢实在太大碟，根本无可能再食嘢落去，所以惟有下次再试。而且，两个人都只不过系食咗$300左右，食物有质素的同时，又可以食到饱饱，仲有对岸烟花比你欣赏，真系可以过一个好愉快嘅晚上。
一定会再嚟！
张贴
