Chang Thai Restaurant & Bar (裝修中)

约左旧同事系铜锣湾食野，路过L Point门口，听到派传单姐姐好热情咁话楼上有一间新开的泰国菜好好食，加上试业期间有折，决定试下新野。餐厅的装潢好有格调，灯光柔和。绿色的餐具整齐的放好，给我很舒服、很干净的感觉。先来一碟泰式猪肉碎生菜包试下水准。生菜好新鲜，睇到系洗过，干净的，可放心食用。而肉碎酸酸甜甜，好开胃。蒜蓉炒芥兰份量好多，较爽口，最欣赏系碟菜唔会油腻，亦唔会太咸。招牌泰式青芒鱼真系好特色，一上到台系忍唔住哗左一声，好 大 碟！卖相好靓，条鱼有头有尾，中间除左有炸鱼块，仲有青芒果丝、腰果、花生。青芒果丝唔系讲笑，真系好够酸，腰果好香口，系停唔到口！呢碟都系功夫野，要好有心机先砌到咁靓。炸鱼块切到好薄，系好考功夫，加埋酸酸地既汁，好开胃。个人觉得呢碟一定要食！甜品叫左芒果糯米饭，芒果好甜，如果再多啲啲椰汁就正喇经理好窝心推荐我饮热香茅姜蜜，因为女生饮热饮比较好，真够细心。同事饮左椰青，连椰肉都可以食埋😂上到来先知呢间餐厅系新开，仲系试业中，原来厨师都系泰国人，最后老板老板娘仲亲自问我地啲野食好唔好食，有无需要改善的地方，睇得出好用心想做好啲食物，你地呢个态度值得我下次再来👍🏻