bistro bistro Cafe & Lounge (已結業)

同好友晚饭，佢屋企附近商场顶有一间有情调嘅餐厅，食物仲话唔错！上到去顶楼天台，环境好开扬，有儿童游乐场，人工水帘，附近嘅楼唔近，唔会压迫，闲日唔使等位，餐厅有户外同室内位置，我哋拣咗最外围室外位，朋友有先见之明，事先去商场客户服务处取了张优惠劵，可以取得折扣！先在happy hour完结前，叫了三杯hoegaarden 大啤，买二送一，围起四十蚊一杯，啤酒够冻，好大一杯，味道唔苦易入口！呢度系食半自助餐，可以落单后，去吧枱去取沙律甜品，款式都唔少，沙律尤其出色，四五款都好味，食啲蔬菜打底，又有咖哩角、炸鱼饼送啤酒！甜品款式少啲，芝麻榚好浓好滑、椰汁榚好滑，红豆大粒！芝士蛋糕一般！红酒汁香煎肉眼牛扒拼烤蘑菇：我哋两个都叫呢款，卖相几好，肉眼扒切落好淋，做到我要嘅5成熟，肉厚多汁，蘑菇厚肉软身，索晒红酒汁，好滑好浓菇味，红酒蘑菇汁，唔会抢走肉味，几配合，薯条粗身唔脆，软身但有薯味，点茄汁好味，蔬菜系灼熟嘅西兰花及红萝卜仔，爽脆好味！整体配合好好！美式牛扒：朋友食，话好味！餐饮：火热柠茶，好淡好淡，完全无茶味，柠檬唔涩！我唔落糖都饮到！可以想像几淡！服务唔算勤快，可能我们坐外围，每次都要举手