The Stadium (已結業)

今晚就嚟咗铜锣湾同另一半收工嚟食饭，拣咗呢间运动风做主题嘅餐厅，地理位置都好方便，一出地铁站上天桥中间入到去就系，好易揾。一入到去就可以睇到好多唔同类型嘅运动用品装饰，连餐牌上都系篮球、棒球嘅场地。而食物今次就叫咗甜薯条、水牛辣鸡翼同跟set嘅红酒慢煮牛𣍰肉，食物上得好快，薯条配上两种酱汁可以按个人喜好拣，本身有落盐所以好够味，牛肉煮得好软熟，入口即化，配上薯蓉同其他各种蔬菜食落好夹，而鸡翼食落酸酸地好开胃，辣就唔会太辣，适合大部分人食，点埋沙律酱食就岩岩好。整体餐厅环境好比心机装饰，令人又不一样嘅用餐体验！