Otto Restaurant (已結業)

一入到黎间餐厅就已经好有气氛暗暗地咁，而且waitress嘅服务都好贴心。Waitress会问我地冻唔冻，冻的话会有披肩借俾我地，真系好细心。带子他他，带子面头有金箔同黑鱼子睇落好grand，带子已经切碎左，但睇落仲好完整，捞埋啲蔬菜同带子黎食，感觉好fresh。餐汤系松露汤，中间凸起果个位除左松露之余，仲有只蚝响度嫁，个汤饮落都几creamy，但系又唔会好济。呢个系意大利云吞，本身应该上鸭肝嘅，不过因为我唔食鸭肝，所以厨房都好好，特别为我整左呢味意大利云吞。平时食果啲意大利云吞几乎食唔倒中间有馅，但系呢个就出奇地多，而且个汁酸酸甜甜咁都几开胃。食主菜之前有个青柠雪皅上，个雪皅嘅味道有小小似四方果啫喱嘅味，食完觉得好fresh。主菜系黑毛猪，只猪本身就已经好香，食落软绵绵咁，可以拣沾海盐或者前面个汁，我就钟意海盐多啲，不过个汁就野味啲。Btw前面果兜系薯蓉黎，系蛋黄酱薯蓉，真系好特别。甜品系白桃味嘅慕丝，白桃味都几浓，不过食落酸酸甜甜嘅，本来已经好饱，但食完好似冇咁饱。而且个慕丝好香奶味。