臺北棧 (形點 I)

营业中

休息中

之前食过check in Taipei 海港城店，已经超钟意，听讲佢间间店嘅装修风格都唔同，梗系要逐间店体验吓，元朗分店系以台湾海岸线作为灵感，设计成粉红小山丘同蓝色海浪主题，用咗波浪型渐变蓝色染布扮海浪，非常浪漫。招牌牛肉面有好几款牛肉面，仲可以拣面底，简简单单我哋试吓招牌牛肉面，我地拣左刀削面，佢嘅牛肉好够冧又入味，肉质嫩滑而且冇渣，牛肉汤底入口鲜甜好浓郁，配咗鱼豆腐，面头仲有d 炸过嘅虫草花，好钟意刀削面嘅弹牙口感，扎实Q弹。松露玉米起司蛋饼卖相唔错，爆酱芝士馅，一啖咬落去食到好多粟米粒粒，口感层次丰富。咸蛋黄芋泥球一份有五粒，紫红色嘅卖相，打卡一流！炸得外脆内软，咸蛋黄好邪恶，好在佢以芋泥为主，甜度适中。Oreo奶奶麻薯浅蓝色蝶豆花色嘅麻薯，打卡必点！用筷子将麻薯同Oreo混合再夹成细块。麻薯入口有冰凉感，软糯Q软，将佢混合Oreo脆脆食，口感层次丰富。绿豆沙豆乳绿豆沙溶入豆乳出现渐变色超美，绿豆沙口感细腻，同豆乳好夹。宇治抹茶牛乳朋友饮呢杯都话好味，抹茶味突出，牛乳细腻顺滑。