一寶中日高級海鮮火鍋 (已結業)

今日同个多年无见面嘅朋友食饭！一般打边炉嘅食市都好嘈倾唔到计㗎！就算卡位都系咁话！见到杂志睇到佢地有outdoor独立屋仔房间好靓！所以今日就算2个人都要嚟感受一吓！  一入到间屋仔！哗！玻璃屋咁！好浪漫丶好有Feel！部长都好有礼貌推荐啲海鲜套餐！不过我就钟意散叫！汤㡳我叫咗原个冬瓜盅金华火腿瑶柱！个汤底整体都够味！不过可以再浓味啲！幸好鲜菇味都搭够！然后都系例牌菜！叫啲刺身做小食！好似我呢啲边炉精！刺身已经食到厌！都系求新鲜食完唔疴就ok！大带子同花笼龙虾刺身还可以㗎！个龙虾头就加落个汤底度滚汤丶好甜！个龙虾头爆晒膏！最好食系呢个！其他牛肉、海鲜、饺子丶猪肉丶蔬菜菇类都算可以！埋单2个人要2500左右！不过不失啦！