影片
更多
2019-10-12
357 浏览
我有朋友喺铜锣湾食过一间意大利餐厅之后，极力向我推荐，话可以畀我一尝何谓「意国风情」。既然佢讲到呢间餐厅咁神圣，我就决定趁呢个星期二晚得闲，约埋一个钟意食意大利菜嘅朋友一齐去朝圣。一入到餐厅，我已经开始幻想自己跻身罗马，准备解读招牌上嘅各种「文明图案」。哈哈......餐厅奉行简约风格，低调嘅颜色带畀人一种「宜家宜室」嘅亲切感。场内有唔少客都系外国人嚟㗎！望咗一阵，我哋拣咗一个接近吧枱嘅位置坐低。眺望远处，我哋见到一班师傅系开放式厨房里面忙过不停，细心咁为每个客人准备各种菜式。事不宜迟，我同朋友立即打开Menu，开始点菜。Arancini $68第一道上台嘅前菜系Arancini，顾名思义就系意大利炸饭球。佢嘅卖相非常可爱，粒粒圆浑，外皮炸到金黄色，脆卜卜。食落口𠮶阵，仲有种煲仔饭焦嘅口感添！而内里就混咗非常香滑嘅芝士同意大利饭，真系食得好过瘾呀！Portobello Fritto $68好快第二道菜就呈现我哋眼前。Portobello Fritto 指嘅其实系意式炸蘑菇。一开始，我以为「食物篮」里面装住嘅系一块块肉片，点知食左一啖之后，我先知道呢啲炸得咁香口嘅原来系蘑菇啊！醮上特制嘅
一入到餐厅，我已经开始幻想自己跻身罗马，准备解读招牌上嘅各种「文明图案」。哈哈......
餐厅奉行简约风格，低调嘅颜色带畀人一种「宜家宜室」嘅亲切感。场内有唔少客都系外国人嚟㗎！望咗一阵，我哋拣咗一个接近吧枱嘅位置坐低。
眺望远处，我哋见到一班师傅系开放式厨房里面忙过不停，细心咁为每个客人准备各种菜式。事不宜迟，我同朋友立即打开Menu，开始点菜。
Arancini
$58
18 浏览
0 赞好
0 留言
Arancini $68
第一道上台嘅前菜系Arancini，顾名思义就系意大利炸饭球。佢嘅卖相非常可爱，粒粒圆浑，外皮炸到金黄色，脆卜卜。食落口𠮶阵，仲有种煲仔饭焦嘅口感添！而内里就混咗非常香滑嘅芝士同意大利饭，真系食得好过瘾呀！
Portobello Fritto
$68
16 浏览
0 赞好
0 留言
Portobello Fritto $68
好快第二道菜就呈现我哋眼前。Portobello Fritto 指嘅其实系意式炸蘑菇。一开始，我以为「食物篮」里面装住嘅系一块块肉片，点知食左一啖之后，我先知道呢啲炸得咁香口嘅原来系蘑菇啊！
Portobello Fritto
$68
12 浏览
0 赞好
0 留言
醮上特制嘅酱汁之后，蘑菇嘅口感更具层次，简直系愈食愈好食，愈食愈想食呀！
Tempranillo
$70
11 浏览
0 赞好
0 留言
Tempranillo $140 (50% off) / 杯
上主菜之前，侍应特登提醒我哋，星期二至六6:00pm - 8:15pm 系Happy Hour，所有House Spirits、餐酒，同埋啤酒等等都有五折优惠㗎！为咗体会上流社会嘅生活，我哋两个都豪叫咗一杯以「早熟小葡萄」酿制而成嘅红酒Tempranillo。
呢种葡萄酒带有阵阵果香，酸度又唔系太高，口感更加称得上系顺滑柔和，难怪佢一直享有「西班牙贵族葡萄红酒」嘅美誉喇！
Fettuccine alla Bistecca
$188
14 浏览
0 赞好
0 留言
Fettuccine alla Bistecca $188
事不宜迟，主菜终于登场喇！第一道系野菌阔条面配T骨牛扒。我平日食意大利阔条面，好怕佢煮得太耐，会淋啤啤，好难入口。不过，今次完全无呢个问题，阔条面唔单止香滑弹牙，仲要吸收左牛扒肉嘅精华，非常惹味。而肉质鲜嫩嘅牛扒肉，亦无得输，佢毫不保留咁展现自己嘅烟韧，确系值得一试。
Truffle Porcini Mezzelune
$138
16 浏览
0 赞好
0 留言
Truffle Porcini Mezzelune $138
另一道主食，系黑松露牛肝菌配意大利云吞。呢碟野上台之前，我哋已经系远处闻到浓浓嘅黑松露味。食落口个阵，简直叫我哋兴奋到不得了。厚薄适中嘅意大利云吞，紧紧拥抱住新鲜爽口嘅蘑菇肉粒，再加埋浓郁滋味嘅番茄肉酱，真系「正」到爆灯！
Tiramisu
$68
21 浏览
0 赞好
0 留言
Tiramisu $68
食到最后，我哋决定点番一道甜丝丝，令人乐滋滋嘅意大利甜品 —— Tiramisu (英译：Pick Me Up)。呢度嘅Tiramisu 带有非常浓郁嘅Espresso 咖啡香，但食落口就一啲苦味都无，里面嘅mousse 甜而不腻，极易入口。
食到个肚胀卜卜，我哋终于笑住离开啦！
张贴
