小天使餐廳 (已結業)

之前睇左呢度好多食评都话呢度sevice差，可能真系每个人要求都吾同啦，我今次系第一次去，都有d心理准备受到不快对待。今晚23/12, 系假前夕，成个赤柱都好少人，可以话系无人，而餐厅更加真系一个人都无，我地两个包厅呀，入到去就有一个伯伯招呼, 帮我地选个位，佢个样都吾串呀，仲几热情，我都钟意同人倾计，由其是经验丰富既伯伯，我地入到去就同佢吹水啦，又问点解咁少人，又问佢有咩好食，佢仲同我地有讲有笑，我问可吾可以周围影相，佢都笑笑口好欢迎，好开心呀。我地叫左羊扒，意粉，沙律+烟三文鱼，巴拿马火腿蜜瓜，apple pie, 最出色系个羊扒 and 沙律，响香港地，要食好味野吾难，不过要食到又好味又有诚意就好难啦，有诚意就系d dish既细节都做得好好，例如沙律个汁呀，d小配菜，每样食材都新鲜，从呢d小小细节就可以睇得出系咪一间有心既餐厅。今晚仲有个男仔安排左一个table setting 比女友一个惊喜，可想而知佢地都好钟意呢个地方。仲请我地饮香槟。今晚真系一个好难忘既x'mas dinner, 可以慢慢食，慢慢坐，我一定会再去架!!!!