Food Lab (已結業)

原本约左朋友一齐食饭，点知被放飞机，无办法啦，咁就变左我地嘅二人世界，撑下枱脚浪漫下啦～呢间Food Lab外面睇环境高尚，灯光暗暗地，好有情调，适合拍拖黎。点知入到去见到佢外面原来有个小小游乐场，除左适合情侣黎，都好适合一家大细黎呢度食饭，俾小朋友玩下，唔错。我地叫左个超级至尊薄饼，卖相好吸引，有青椒、蘑菇、大大块辣肉肠、洋葱，口感丰富，但味道偏咸。个饼底松厚，软软地好新鲜，如果底部再焗耐少少，再香脆d应该会更好食。猪最钟意食满满芝士嘅pizza，呢个绝对满足到猪对芝士嘅欲望。仲叫左个什锦海鲜意大利饭，一个圆形砌得靓靓嘅意大利饭放喺碟的嘅中间，上面放左青口，带子同大虾。带子嘅味道洽到好处，唔会太硬而且可口。就算份量唔多，都好有饱肚嘅感觉。而饭粒吸满左海鲜汤汁，香浓美味。配埋切碎嘅翠肉瓜，增加口感亦冇咁济，好食。服务方面都唔错，waiter成日帮我地加水，招呼周到又有礼貌