影片
更多
2010-04-16
61 浏览
1月5日, 第1 O O周月纪念快乐~ *O* !!! 为食嘅我地梗系要食餐正野庆祝庆祝啦! 呀菲不嬲对海景有种莫名喜爱, 一直都想去环境好似好靓嘅Pierside试下… 难得openrice又有set dinner买一送一嘅coupon~ 一于黎试下啦! 买一送一嘅set dinner包餐包 + 餐汤 + 前菜 + 主菜 + 甜品, 不过只有两款选择, 一个系牛柳配薯条, 另一个系青咖哩虎虾, 我地要咗各一.::: 牛柳配薯条 ::: $298先黎奉上佢地signature嘅餐包, 特别在佢有 4只sauce~ 其实都不外乎系牛油、橄榄油、黑醋同柚子酱 (呢个最特别!) 好在个包都烘得几脆~ D酱都几好味~然后就系呢个忌廉龙虾汤. 面头层泡沫忌廉都系gimmick野啦~ 扮下分子料理咁无乜特别作用. 都ok有龙虾味~ 但唔太特别.前菜系海鲜三食, 有d 三文鱼沙律、虾同八爪鱼冷面, 份量真系好bite size! 三文鱼沙律酸酸甜甜几开胃, 其余两款由于太浅尝所以唔太深印象...主菜嘅牛柳ok wor! 肉质鲜嫩又有牛味~ 粗薯条同烧蕃茄都好味~ 唔错唔错~::: 青咖哩虎虾伴薄饼
为食嘅我地梗系要食餐正野庆祝庆祝啦! 呀菲不嬲对海景有种莫名喜爱, 一直都想去环境好似好靓嘅Pierside试下… 难得openrice又有set dinner买一送一嘅coupon~ 一于黎试下啦! 买一送一嘅set dinner包餐包 + 餐汤 + 前菜 + 主菜 + 甜品, 不过只有两款选择, 一个系牛柳配薯条, 另一个系青咖哩虎虾, 我地要咗各一.
::: 牛柳配薯条 ::: $298
先黎奉上佢地signature嘅餐包, 特别在佢有 4只sauce~ 其实都不外乎系牛油、橄榄油、黑醋同柚子酱 (呢个最特别!) 好在个包都烘得几脆~ D酱都几好味~
然后就系呢个忌廉龙虾汤. 面头层泡沫忌廉都系gimmick野啦~ 扮下分子料理咁无乜特别作用. 都ok有龙虾味~ 但唔太特别.
前菜系海鲜三食, 有d 三文鱼沙律、虾同八爪鱼冷面, 份量真系好bite size! 三文鱼沙律酸酸甜甜几开胃, 其余两款由于太浅尝所以唔太深印象...
主菜嘅牛柳ok wor! 肉质鲜嫩又有牛味~ 粗薯条同烧蕃茄都好味~ 唔错唔错~
::: 青咖哩虎虾伴薄饼 ::: (买一送一)
另一个set 餐包同餐汤都一样~ 前菜系要咗炸洋葱圈~ 个炸粉好脆! 同埋好欣赏垫底d 加咗honey mustard 嘅沙律菜~ 好味! 不过就麻麻地食到入面d洋葱~
主菜青咖哩虎虾配薄饼~ 坚系辣! 但除咗辣都有d香料味, ok嘅~ d虾都够弹牙, 鲜味十足~ 但就细只咗d, 又只系得2只... 仲有一小块法包同薄饼伴食~ 薄饼都几正宗~ 好味!
::: Lindt 朱古力火锅 ::: (+$68 upgrade)
呀菲嘅飞佛环节~ 甜品!!! 其实跟餐本身已经有 2 个甜品, 不过你亦可以加钱upgrade做chocolate fondue~~~ 嗜甜如我当然又二话不说upgrade啦! 呢个choco fondue用嘅系Lindt朱古力~ 都真系几浓郁! 而d 火锅料就有grissini、生果粒、ladyfinger、绵花糖、cheesecake同埋chocolate cake~ 呢度d cheesecake同chocolate cake点朱古力真系超好食!!!!!! 有机会真系要试下~ 好好味!!
无啦啦今晚雨朦朦... 无得坐出outdoor... 好彩indoor环境都唔错~ 周围灯光较到暗一暗，有个live band唱下歌咁~ 我地被安排到靠窗嘅位置坐低. 竟然比我见到最入最入有个半圆嘅卡座! 有两口子好sweet咁望住海景并排而坐... mmm... 下次去食要记得book呢个位先!
张贴
