Warren (已結業)

大坑唔少西餐厅都好有水准，虽然价钱偏贵，但系绝对系物有所值。Warren只有数张枱椅，灯光幽暗，环境宁静，有著浪漫嘅氛围。餐厅属半开放式厨房，可以见到师傅在细心嘅烹调，而且抽风设备做得不错，完全冇闻到半点油烟味。今晚我地唔太肚饿，所以只系点左两个前菜再加两个main course。香煎鹅肝拼黑鱼子酱藜麦沙律，香煎法国鹅肝配芒果甜酸酱，鹅肝外皮煎香，外脆内嫩，搭配上甜甜酸酸嘅味道，味道好有层次咁。香浓嘅鱼子酱同清新鲜味嘅蟹肉味道配搭得唔错。日本刺身带子配黑鱼子红加仑子啫喱，刺身级带子轻轻煎香过，配上清新嘅沙律菜，味道甜甜酸酸好开胃。烟熏M9和牛肉眼配黑松露菌烧汁，牛肉已经预先切好，色泽粉嫩，肉味浓郁，特别既系伴菜既薯仔上面有层焗至金黄色既芝士！芝士味道浓郁，不过如果西冷份量再多d会仲好。香煎石斑鱼配提子牛油汁，番茄汁烩菜、烧薯仔、西椒汁 。石斑鱼肉结实，外皮脆口，配菜有烧薯仔、南瓜粒、茄子。