Doux (已結業)

係旺角，位置方便，仲要係黃店！依家OpenRice訂枱仲有八五折。入門口有酒精消毒，夠衛生。主菜食左煎鵝肝伴砵酒煮蘋果、紐西蘭鮮肉眼（5成熟）。最鍾意嘅係個鵝肝，煎得好香口，配埋蘋果一啲都唔漏。肉眼扒好重牛味。甜品叫咗一個Ruby peach，外型夠晒靚，粉紅色好適合情侶慶祝。不過可能食得太飽覺得冇咩特別。市道唔好，星期五夜晚八點全場坐咗大概5成客，唔太迫，幾舒服。值得一題係有個落地窗，望住旺角嘅街景，雖然啲嘢食唔算平，但係夜晚嚟夠晒氣氛。